പെരുമ്പാവൂർ: വിദേശത്തേക്ക് പോകുന്നതിന് വിമാന ടിക്കറ്റ് ശരിയാക്കി നൽകാമെന്ന് പറഞ്ഞ് പണം തട്ടിയ കേസിൽ യുവാവ് പിടിയിൽ. വെസ്റ്റ് വെങ്ങോല താമരശേരി വീട്ടിൽ അഖിലേഷ് (35)നെയാണ് പെരുമ്പാവൂർ പോലീസ് പിടികൂടിയത്. യാത്രാ ഹോളിഡേയ്സ് എന്ന സ്ഥാപനം നടത്തുകയാണ് ഇയാൾ. പഴങ്ങനാട് സ്വദേശികളായ ദമ്പതികളിൽ നിന്ന് കാനഡയിൽ ബന്ധുവിൻ്റെ അടുത്ത് പോയി വരാൻ ടിക്കറ്റ് എടുത്ത് നൽകാമെന്നു പറഞ്ഞ് രണ്ടുഗഡുക്കളായി അഞ്ച് ലക്ഷത്തോളം രൂപ വാങ്ങിയത്. ടിക്കറ്റ് ലഭിക്കാതെ വന്നപ്പോഴാണ് പരാതി നൽകിയത്. സമാന സ്വഭാവമുള്ള വേറെയും പരാതികൾ ഇയാളുടെ പേരിലുണ്ട്. ഇൻസ്പെക്ടർ ജിൻസൻ ഡൊമനിക്, എസ്.ഐ ജോസി എം.ജോൺസൻ, എ.എസ്.ഐ എം.ബി സുബൈർ, സീനിയർ സി പി ഒ മാരായ എ.കെ നജ്മി ,എം എച്ച് സുബൈർ എന്നിവർ ചേർന്നാണ് പ്രതിയെ പിടികൂടിയത്.
വിമാന ടിക്കറ്റിനായി നൽകിയത് 5 ലക്ഷം; ഒടുവിൽ ടിക്കറ്റുമില്ല പണവുമില്ല. ദമ്പതികളെ കമ്പളിപ്പിച്ച വെങ്ങോല സ്വദേശി പിടിയിൽ
