പാലക്കാട് : 16 ദിവസത്തെ ഒളിവ് ജീവിതം അവസാനിപ്പിച്ച് പാലക്കാട് എംഎൽഎ രാഹുൽ മാങ്കൂട്ടത്തിൽ വോട്ട് രേഖപ്പെടുത്താനായി പുറത്തിറങ്ങി. ബലാത്സംഗക്കേസ് രജിസ്റ്റർ ചെയ്തതിന് പിന്നാലെ നാട് വിടുകയായിരുന്നു.
വൈകിട്ട് പാലക്കാട് കുന്നത്തൂര്മേട് ബൂത്തിലെ സെന്റ് സെബാസ്റ്റ്യൻസ് സ്കൂളിലെത്തിയാണ് രാഹുല് വോട്ടുചെയ്തത്. എംഎല്എ വാഹനത്തിലാണ് രാഹുല് എത്തിയത്.
തിരക്ക് ഒഴിഞ്ഞ ശേഷമാണു രാഹുൽ വോട്ട് ചെയ്യാനെത്തിയത്. വോട്ട് ചെയ്യാന് എത്തുന്നതിനു മുന്പോ ശേഷമോ പ്രതികരിക്കാന് രാഹുല് തയാറായില്ല. കേസ് കോടതിയുടെ മുന്പിലുണ്ടെന്നും കോടതി തീരുമാനിക്കുമെന്നും സത്യം പുറത്തുവരുമെന്നും പ്രതിഷേധത്തിനിടെ കാറില് കയറിയ ശേഷം രാഹുല് പറഞ്ഞു.
പൂവന് കോഴിയുടെയും തൊട്ടിലിന്റെയും ചിത്രം ഉയര്ത്തി പോളിങ് ബൂത്തിനു മുന്നില് രാഹുലിന് എതിരെ പ്രതിഷേധം നടന്നു. കൂകി വിളിയോടെയാണ് ഡിവൈഎഫ്ഐ, ബിജെപി പ്രവര്ത്തകര് പ്രതിഷേധിച്ചത്.
